പേരയ്ക്ക പറിച്ചെന്ന പേരിൽ ആക്രമണം; 12 വയസുകാരന് രണ്ടുദിവസത്തിനുള്ളിൽ ആശുപത്രി വിടാം
പേരയ്ക്ക പറിച്ചെന്ന പേരിൽ ആക്രമിക്കപ്പെട്ട് തുടയെല്ല് ശസ്ത്രക്രിയയ്ക്ക് വിധേയനാക്കിയ 12 വയസുകാരന് 2 ദിവസത്തിനുള്ളിൽ ആശുപത്രി വിടാം. എന്നാൽ രണ്ടുമാസം പൂർണവിശ്രമം വേണം. തുടയെല്ലിലെ കമ്പി ഒരു വർഷത്തിന് ശേഷം മാത്രമേ നീക്കം ചെയ്യാൻ കഴിയൂവെന്ന് ശസ്ത്രക്രിയയ്ക്ക് നേതൃത്വം നൽകിയ ഡോക്ടർ ഷക്കീബ് പറഞ്ഞു.
ഭക്ഷ്യ സുരക്ഷാ ഉദ്യോഗസ്ഥയെ ഭീഷണിപ്പെടുത്തി; അനുമതിയില്ലാതെ ഹോട്ടൽ വീണ്ടും തുറന്നു
ഹോട്ടലുകൾ ഭക്ഷ്യസുരക്ഷാ വകുപ്പിനെ വെല്ലുവിളിക്കുന്നു. ഭക്ഷ്യവിഷബാധയെ തുടർന്ന് അടച്ചിട്ട തൃശൂരിലെ ബുഹാരീസ് ഹോട്ടൽ അനുമതിയില്ലാതെ തുറന്നു. പരിശോധനയ്ക്കെത്തിയ ഉദ്യോഗസ്ഥർക്ക് നേരെ ഭീഷണിയുമുണ്ടായി. ബുഹാരീസ് ഹോട്ടൽ ഭക്ഷ്യസുരക്ഷാ വകുപ്പ് ബുധനാഴ്ച അടച്ചുപൂട്ടിയിരുന്നു എന്നാൽ അനുമതിയില്ലാതെ വീണ്ടും തുറക്കുകയായിരുന്നു.
ഡോക്യുമെന്‍ററിയിൽ വിശദീകരണത്തിന് അവസരം നൽകിയിരുന്നു, പ്രതികരിച്ചില്ല: ബിബിസി
ഗുജറാത്ത് കലാപത്തെക്കുറിച്ചുള്ള ഡോക്യുമെന്‍ററിയിൽ ബിബിസി വിശദീകരണവുമായി രംഗത്ത്. വിവാദ വിഷയങ്ങളിൽ വ്യക്തത വരുത്താൻ ഇന്ത്യൻ സർക്കാരിന് അവസരം നൽകിയെങ്കിലും സർക്കാർ പ്രതികരിച്ചില്ലെന്ന് ബിബിസി റിപ്പോർട്ട് ചെയ്തു. വിശദമായ ഗവേഷണത്തിനൊടുവിലാണ് ഡോക്യുമെന്‍ററി തയ്യാറാക്കിയത് എന്നും റിപ്പോർട്ട് ചെയ്തു.