ലോക്സഭാ തിരഞ്ഞെടുപ്പിൽ കേരളത്തിൽ 5 സീറ്റുകളെങ്കിലും ബിജെപി നേടും: പ്രകാശ് ജാവദേക്കർ
അടുത്ത ലോക്സഭാ തിരഞ്ഞെടുപ്പിൽ കേരളത്തിൽ കുറഞ്ഞത് അഞ്ച് മണ്ഡലങ്ങളിലെങ്കിലും ബിജെപി വിജയിക്കുമെന്ന് പ്രകാശ് ജാവദേക്കർ. എൻഡിഎ മുന്നണി വിപുലീകരിക്കാൻ വിവിധ പാർട്ടികളുമായി ചർച്ച നടത്തിവരികയാണെന്നും ഇക്കാര്യത്തിൽ ഉടൻ തീരുമാനമെടുക്കുമെന്നും, ബിജെപി വൈകാതെ കേരളത്തിൽ നിർണായക ശക്തിയായി മാറുമെന്നും അദ്ദേഹം ഡൽഹിയിൽ പറഞ്ഞു.
സിൽവർ ലൈൻ സ്റ്റേഷൻ നിർമ്മാണത്തിന് കണ്ണൂരിൽ കണ്ടെത്തിയ സ്ഥലം 45 വർഷത്തേക്ക് പാട്ടത്തിന്
സിൽവർ ലൈൻ പദ്ധതിയുടെ ഭാഗമായി റെയിൽവേ സ്റ്റേഷൻ നിർമ്മാണത്തിനായി കണ്ടെത്തിയ കണ്ണൂരിലെ സ്ഥലം 45 വർഷത്തേക്ക് പാട്ടത്തിന് നൽകാൻ തീരുമാനം. റെയിൽവേ ബോർഡിന്‍റെ ഉടമസ്ഥതയിലുള്ള ഭൂമി റെയിൽവേ ലാൻഡ് ഡെവലപ്മെന്‍റ് അതോറിറ്റിയാണ് പാട്ടത്തിന് നൽകുന്നത്. 26.3 കോടി രൂപയ്ക്കാണ് 45 വർഷത്തേക്ക് ഭൂമി പാട്ടത്തിന് നൽകുക.
ക്രിസ്മസ്-പുതുവത്സര ബമ്പര്‍ ഒന്നാം സമ്മാനമായ 16 കോടി XD 236433 എന്ന ടിക്കറ്റിന്
16 കോടിയുടെ ക്രിസ്മസ് പുതുവത്സര ബമ്പർ നറുക്കെടുത്തു. XD 236433 എന്ന ടിക്കറ്റിനാണ് ഒന്നാം സമ്മാനം. രണ്ടാം സമ്മാനം ഒരു കോടി രൂപ വീതം 10 പേർക്കാണ്. കേരള ലോട്ടറിയുടെ ചരിത്രത്തിലെ ഏറ്റവും ഉയർന്ന രണ്ടാമത്തെ സമ്മാനത്തുകയാണിത്. സെപ്റ്റംബറിൽ നറുക്കെടുത്ത ഓണം ബമ്പറായിരുന്നു ഏറ്റവും ഉയർന്ന സമ്മാനം.