ബ്രിജ് ഭൂഷൺ വീണ്ടും വിവാദത്തിൽ; ഗുസ്തി താരത്തിന്റെ മുഖത്തടിക്കുന്ന വീഡിയോ പുറത്ത്
ലൈംഗികാരോപണം ഉൾപ്പെടെ ഉയർത്തി ദേശീയ ഗുസ്തി താരങ്ങൾ പ്രതിഷേധം തുടരുന്നതിനിടെ ഗുസ്തി ഫെഡറേഷൻ പ്രസിഡന്‍റും ബിജെപി എംപിയുമായ ബ്രിജ് ഭൂഷൺ ശരൺ സിങ് ഗുസ്തി താരത്തിന്റെ മുഖത്തടിക്കുന്ന വീഡിയോ സോഷ്യൽ മീഡിയയിൽ വൈറൽ. റാഞ്ചിയിൽ നടന്ന അണ്ടർ 15 ദേശീയ ഗുസ്തി ചാമ്പ്യൻഷിപ്പിനിടെയാണ് സംഭവം.
ടെക്നോപാർക്കിൽ മിനി ടൗണ്‍ഷിപ്പ്; പദ്ധതിക്ക് മന്ത്രിസഭ അംഗീകാരം, ചിലവ് 1600 കോടി
ടെക്നോപാര്‍ക്കിന്റെ തോന്നയ്ക്കലിലെ നാലാം കാമ്പസില്‍ മിനി ടൗണ്‍ഷിപ്പിനുള്ള പദ്ധതിക്ക് മന്ത്രിസഭയുടെ അംഗീകാരം. ഒരേ കാമ്പസിൽ ജോലി, ഷോപ്പിംഗ് സൗകര്യങ്ങൾ, പാർപ്പിട സൗകര്യങ്ങൾ, ആശുപത്രികൾ, സ്കൂളുകൾ, കോളേജുകൾ എന്നിവയുൾപ്പെടെ സംയോജിതമായ പദ്ധതിയാണിത്. 30 ഏക്കറിൽ 1,600 കോടി രൂപ മുടക്കിയാണ് പദ്ധതി പൂർത്തിയാക്കുന്നത്.
ഭക്ഷ്യ സുരക്ഷാ ഉദ്യോഗസ്ഥയെ ഭീഷണിപ്പെടുത്തി; അനുമതിയില്ലാതെ ഹോട്ടൽ വീണ്ടും തുറന്നു
ഹോട്ടലുകൾ ഭക്ഷ്യസുരക്ഷാ വകുപ്പിനെ വെല്ലുവിളിക്കുന്നു. ഭക്ഷ്യവിഷബാധയെ തുടർന്ന് അടച്ചിട്ട തൃശൂരിലെ ബുഹാരീസ് ഹോട്ടൽ അനുമതിയില്ലാതെ തുറന്നു. പരിശോധനയ്ക്കെത്തിയ ഉദ്യോഗസ്ഥർക്ക് നേരെ ഭീഷണിയുമുണ്ടായി. ബുഹാരീസ് ഹോട്ടൽ ഭക്ഷ്യസുരക്ഷാ വകുപ്പ് ബുധനാഴ്ച അടച്ചുപൂട്ടിയിരുന്നു എന്നാൽ അനുമതിയില്ലാതെ വീണ്ടും തുറക്കുകയായിരുന്നു.