തരംഗമായി 'ദേവദൂതര്‍ പാടി': യൂട്യൂബില്‍ കണ്ടത് ഒരു കോടിയലധികം പേര്‍
കുഞ്ചാക്കോ ബോബനെ നായകനാക്കി രതീഷ് ബാലകൃഷ്ണൻ സംവിധാനം ചെയ്യുന്ന 'ന്നാ താന്‍ കേസ് കൊട്' ഓഗസ്റ്റ് 11ന് തിയേറ്ററുകളിലെത്തും. ചിത്രത്തിലെ 'ദേവദൂതർ പടി' എന്ന ഗാനത്തിന് നൃത്തം ചെയ്യുന്ന കുഞ്ചാക്കോ ബോബന്‍റെ വീഡിയോ വൈറലായിരുന്നു. കഴിഞ്ഞയാഴ്ച പുറത്തിറങ്ങിയ ഈ വീഡിയോ ഇതിനോടകം ഒരു കോടിയിലധികം ആളുകൾ കണ്ടുകഴിഞ്ഞു.
സംസ്ഥാനത്ത് വരും ദിവസങ്ങളിലും മഴ തുടരും; 9 വരെ മഴയ്ക്ക് സാധ്യത
സംസ്ഥാനത്ത് വരും ദിവസങ്ങളിലും മഴ തുടരുമെന്ന്, കാലാവസ്ഥാ നിരീക്ഷണ കേന്ദ്രം അറിയിച്ചു. ഓഗസ്റ്റ് ഏഴോടെ, വടക്കുപടിഞ്ഞാറൻ ബംഗാൾ ഉൾക്കടലിൽ ന്യൂനമർദ്ദം രൂപപ്പെടാൻ സാധ്യതയുണ്ട്. അതിന്‍റെ സ്വാധീനത്താൽ, ഓഗസ്റ്റ് 5 മുതൽ 9 വരെ കേരളത്തിൽ, വ്യാപകമായ മഴയ്ക്കും ഒറ്റപ്പെട്ട കനത്ത മഴയ്ക്കും, സാധ്യതയുണ്ട്.
ദേശീയ പെൻഷൻ വ്യവസ്ഥയിൽ മാറ്റം; ക്രെഡിറ്റ് കാർഡ് നിക്ഷേപങ്ങൾ ഇനി അനുവദിക്കില്ല
ദേശീയ പെൻഷൻ വ്യവസ്ഥയിൽ മാറ്റം വരുത്തി പെൻഷൻ ഫണ്ട് റെഗുലേറ്ററി ആൻഡ് ഡെവലപ്‌മെന്റ് അതോറിറ്റി. എൻപിഎസ് അക്കൗണ്ടുകളിലേക്കുള്ള ടയർ-2 നിക്ഷേപങ്ങൾക്ക് ക്രെഡിറ്റ് കാർഡ് ഇനി ഉപയോഗിക്കാൻ കഴിയില്ല. ടയർ 1 നിക്ഷേപത്തിനായി ക്രെഡിറ്റ് കാർഡ് ഉപയോഗിക്കുന്നത് തുടരാം.