ബോക്‌സിങ്ങില്‍ മെഡലുറപ്പിച്ച് ഇന്ത്യ: നീതു ഘന്‍ഘാസ് സെമിയില്‍
2022ലെ കോമൺവെൽത്ത് ഗെയിംസിൽ 15-ാം മെഡൽ ഉറപ്പിച്ച് ഇന്ത്യ. വനിതാ ബോക്സിംഗ് ഇനത്തിൽ ഇന്ത്യയുടെ നീതു ഘാൻഗസ് സെമിയിൽ പ്രവേശിച്ചതോടെയാണ് ഇന്ത്യ വീണ്ടും മെഡൽനേട്ടം ഉറപ്പായത്. ക്വാര്‍ട്ടര്‍ ഫൈനലില്‍ 21കാരിയായ നീതു തകര്‍പ്പന്‍ പ്രകടനമാണ് പുറത്തെടുത്തത്. ഏകപക്ഷീയമായിരുന്നു താരത്തിന്റെ വിജയം.
ജോണി ഡെപ്പ് കാരണം നഷ്ടമായത് 395 കോടിയെന്ന് ആംബര്‍ ഹേര്‍ഡ്
ജോണി ഡെപ്പ് നൽകിയ മാനനഷ്ടക്കേസിൽ തനിക്ക് 395 കോടി രൂപ നഷ്ടമായെന്ന് ആംബർ ഹേര്‍ഡ്. വിചാരണയ്ക്ക് മുമ്പ് കോടതിയിൽ സമർപ്പിച്ച രേഖകളിൽ ഹേർഡ് ഇക്കാര്യം പരാമർശിച്ചതായി റിപ്പോർട്ട് ഉണ്ട്. അഞ്ച് വർഷം നീണ്ടുപോയ നിയമപോരാട്ടമാണ് ഹേർഡിനെ പ്രതിസന്ധിയിലാക്കിയത്.
നിറപുത്തരി പൂജ: ശബരിമല നട തുറന്നു
നിറപുത്തരി പൂജകൾക്കായി ശബരിമല നട തുറന്നു. വൈകീട്ട് അഞ്ചിന് ക്ഷേത്രതന്ത്രി കണ്ഠരര് മഹേഷ് മോഹനരുടെ മുഖ്യകാർമ്മികത്വത്തിൽ ക്ഷേത്ര മേൽശാന്തി എൻ.പരമേശ്വരൻ നമ്പൂതിരി ശ്രീകോവിൽ നട തുറന്ന് ദീപങ്ങൾ തെളിച്ചു. ശേഷം ഗണപതി, നാഗർ എന്നീ ഉപദേവതാ ക്ഷേത്ര നടകളും തുറന്ന് വിളക്ക് തെളിയിച്ചു.