സി.പി.എം. തീകൊണ്ട് തല ചൊറിയുകയാണെന്ന് കെ. സുധാകരൻ
Download App
Malayalam News & Audio - Katha
⭐⭐⭐⭐⭐ (80k+)
Free on Play Store
Open
OPEN APP

സി.പി.എം. തീകൊണ്ട് തല ചൊറിയുകയാണെന്ന് കെ. സുധാകരൻ

Sep 22, 2022, 07:43 PM IST

എ.കെ.ജി സെന്‍റർ ആക്രമണവുമായി ബന്ധപ്പെട്ട് യൂത്ത് കോൺഗ്രസ് നേതാവിന്‍റെ അറസ്റ്റ് കോൺഗ്രസ് നോക്കിനിൽക്കില്ലെന്ന് കെ.പി.സി.സി. പ്രസിഡന്‍റ് കെ.സുധാകരൻ. സി.പി.എം തീകൊണ്ട് തല ചൊറിയുകയാണ്. കോൺഗ്രസ് പ്രവർത്തകരെ കേസിൽ കുടുക്കുകയാണെന്നും ജിതിനെ വിട്ടയച്ചില്ലെങ്കിൽ വെള്ളിയാഴ്ച പോലീസ് സ്റ്റേഷനിലേക്ക് മാർച്ച് നടത്തുമെന്നും അദ്ദേഹം പറഞ്ഞു. അതേസമയം, ആക്രമണക്കേസിൽ ചോദ്യം ചെയ്യാൻ വിളിപ്പിച്ച യൂത്ത് കോൺഗ്രസ് പ്രവർത്തകന് മയക്കുമരുന്ന് കലർത്തിയ ചോക്ലേറ്റ് പൊലീസ് നൽകിയെന്ന് കെ സുരേന്ദ്രൻ ആരോപിച്ചു. പിന്നീട് പ്രവർത്തകനെ ചികിത്സാ കേന്ദ്രത്തിലേക്ക് മാറ്റേണ്ടി വന്നു. സെന്‍റർ ആക്രമണത്തിൽ ക്രൈംബ്രാഞ്ച് അറസ്റ്റ് ചെയ്ത ജിതിനും സമാനമായ രീതിയിൽ ചോക്ലേറ്റ് നൽകിയെന്നും അദ്ദേഹം ആരോപിച്ചു.

കണ്ണൂർ വിസി നിയമനം; ചാമക്കാല സമർപ്പിച്ച ഹർജി കോടതി ഫയലിൽ സ്വീകരിച്ചു

Sep 22, 2022, 06:33 PM IST

കണ്ണൂർ വൈസ് ചാൻസലർ നിയമനവുമായി ബന്ധപ്പെട്ട് മുഖ്യമന്ത്രിക്കെതിരെ അഴിമതി നിരോധന നിയമ പ്രകാരം കേസെടുക്കണമെന്നാവശ്യപ്പെട്ട് കോൺഗ്രസ് നേതാവ് ജ്യോതികുമാർ ചാമക്കാല നൽകിയ ഹർജി കോടതി ഫയലിൽ സ്വീകരിച്ചു. ഹർജിയിൽ സർക്കാരിന്റെ വാദം സെപ്റ്റംബർ 29ന് കോടതി പരിഗണിക്കും.

ഒക്ടോബർ 12ന് ഇന്ത്യയിൽ 5ജി സേവനങ്ങൾ എത്തുമെന്ന് സൂചന

Sep 22, 2022, 07:55 PM IST

ഏറെ നാളത്തെ കാത്തിരിപ്പിനൊടുവിൽ ഒക്ടോബർ 12ന് 5ജി സേവനങ്ങൾ ഇന്ത്യയിലെത്തുമെന്നാണ് റിപ്പോർട്ടുകൾ. ഓഗസ്റ്റ് ആദ്യവാരം നടന്ന ലേലത്തിൽ 1,50,173 കോടി രൂപയുടെ സ്പെക്ട്രമാണ് വിറ്റത്.റിലയൻസ് ജിയോ ,എയർടെൽ ,വൊഡാഫോൺ ഐഡിയ കൂടാതെ അദാനി ഗ്രൂപ്പ് അടക്കമുള്ള കമ്പനികൾ ആണ് ലേലത്തിൽ പങ്കെടുത്തത്.