'മാഡം പ്രസിഡന്റ്: എ ബയോഗ്രഫി ഓഫ് ദ്രൗപദി മുര്‍മു'
ഇന്ത്യയിലെ ഏറ്റവും പ്രായം കുറഞ്ഞ പ്രസിഡന്റ് ദ്രൗപദി മുർമുവിന്‍റെ ജീവചരിത്രം ഈ വർഷം അവസാനത്തോടെ പുറത്തിറക്കുമെന്ന് പ്രസാധകരായ പെൻഗ്വിൻ റാൻഡം ഹൗസ് അറിയിച്ചു. 'മാഡം പ്രസിഡന്റ്: എ ബയോഗ്രഫി ഓഫ് ദ്രൗപദി മുർമു' എന്ന പുസ്തകം മുർമു പ്രസിഡന്റ് സ്ഥാനത്തേക്ക് ഉയരുന്നതുവരെയുള്ള ജീവിതമാണ് വിവരിക്കുന്നത്.
ഡാമുകള്‍ തുറന്നു; രാത്രിയോടെ ചാലക്കുടിയില്‍ വെള്ളം എത്തിത്തുടങ്ങും
കേരള ഷോളയാർ, പെരിങ്ങൽക്കുത്ത് ഡാമുകൾ വീണ്ടും തുറന്നതോടെ ചാലക്കുടി പുഴയിലെ ജലനിരപ്പ് അപകടകരമാംവിധം ഉയരുകയാണ്. പെരിങ്ങൽകുത്തിൽ 4 സ്ലൂയിസുകളും 7 ഷട്ടറുകളും തുറന്നു. ഷോളയാറിൽ 3 ഷട്ടറുകൾ ഒരടി വീതം ഉയർത്തി. നിലവിലെ സാഹചര്യത്തിൽ ചാലക്കുടി പുഴയിലെ ജലനിരപ്പ് 1.5 മീറ്റർ ഉയരും.
അവധി പ്രഖ്യാപിച്ചതിൽ ആശയക്കുഴപ്പം; രേണു രാജിനെതിരെ ഹൈക്കോടതിയിൽ ഹർജി
എറണാകുളം കളക്ടർ രേണു രാജിനെതിരെ അഭിഭാഷകൻ ഹൈക്കോടതിയിൽ ഹർജി നൽകി. എറണാകുളം സ്വദേശി അഡ്വ. എം.ആർ. ധനിൽ എന്നയാളാണ് ഹർജി നൽകിയത്. അവധി പ്രഖ്യാപിക്കുന്നതിന് മാർഗനിർദേശങ്ങൾ നൽകണമെന്നാണ് ഹർജിക്കാരന്‍റെ ആവശ്യം. അവധി പ്രഖ്യാപനത്തെച്ചൊല്ലിയുള്ള ആശയക്കുഴപ്പം ബുദ്ധിമുട്ടുണ്ടാക്കിയെന്നാണ് ഹർജിക്കാരൻ പറയുന്നത്.